ஆப்கானிஸ்தானிடம் படுதோல்வி அடைந்த இலங்கை

1 year ago
Local Sports
(996 views)
aivarree.com

இலங்கை மற்றும் ஆப்கானிஸ்தான் அணிகளுக்கு இடையிலான முதலாவது ஒருநாள் போட்டியில் இலங்கை அணி 60 ஓட்டங்களால் தோற்றது.

போட்டியில் முதலில் துடுப்பாடிய ஆப்கானிஸ்தான் அணி 8 விக்கட்டுகளை இழந்து 50 ஓவர்களில் 294 ஓட்டங்களைப் பெற்றது.

இப்ராஹிம் சட்ரான் 106 ஓட்டங்களையும், ரஹமதுல்லா குர்பஸ் 53 ஓட்டங்களையும் பெற்றுக் கொடுத்தனர்.

வனிந்து ஹசரங்க 42 ஓட்டங்களைக் கொடுத்து 2 விக்கட்டுகளை வீழ்த்தினார்.

295 ஓட்டங்கள் என்ற வெற்றியிலக்கை நோக்கி துடுப்பாடிய இலங்கை அணி 234 ஓட்டங்களைப் பெற்று சகல விக்கட்டுகளையும் இழந்தது.

பத்தும் நிஸ்ஸங்க 86 ஓட்டங்களையும், வனிந்து ஹசரங்க 66 ஓட்டங்களையும் பெற்றுக் கொடுத்தனர்.

பந்துவீச்சில் ஆப்கானிஸ்தான் அணியின் ஃபசலாஹ் பாரூக் 49 ஓட்டங்களுக்கு 4 விக்கட்டுகளையும், குல்பாடின் நயிப் 44 ஓட்டங்களுக்கு 3 விக்கட்டுகளையும் வீழ்த்தினர்.

ஆட்ட நாயகனாக இப்ராஹிம் சட்ரான் தெரிவு செய்யப்பட்டார்.