இலங்கையில் கிரிக்கெட் விளையாட்டை நிர்வகிப்பதில் ஏற்பட்டுள்ள அரசியல் தலையீடுகள் குறித்து ஆராய்வதற்காக சர்வதேச கிரிக்கெட் பேரவையினால் நியமிக்கப்பட்ட 3 பேர் கொண்ட குழு இலங்கை வந்துள்ளது.
சர்வதேச கிரிக்கெட் பேரவையின் பிரதித் தலைவர் இம்ரான் குவாஜாவும் இந்த குழுவில் உள்ளடங்குவதாக தெரிவிக்கப்படுகின்றது.
அதன்படி, குவாஜா தலைமையிலான ஐசிசி குழுவினர் நேற்று இலங்கை கிரிக்கெட் நிறுவனத்தின் (SLC) தலைவர் ஷம்மி சில்வா மற்றும் செயற்குழு உறுப்பினர்களுடனும் இது தொடர்பில் கலந்துரையாடியுள்ளார்.
இலங்கை கிரிக்கட் நிறுவனத்தின் அழைப்பின் பேரிலேயே ஐசிசி குழுவினர் இலங்கை வந்துள்ளமையும் குறிப்பிடத்தக்கது.
